।। सद्गुरू निवृत्तीनाथ ।।

।। श्री. संतश्रेष्ठ सद्गुरू निवृत्तीनाथ माऊली ।।

फळले भाग्य माझे l  धन्य झालो संसारी l

सद्गुरू भेटले हो  l त्यांनी धरियेले करी  l

पश्चिमेशी चालविले l आत्मस्थिती निर्धारी l 

त्रिकुटावरी नांदे l  देखियेले पंढरी l 

ते सुख काय सांगू  l वाचे बोलता न ये l 

आरतीच्यानी योगे गेले मी पण मागे l 

ते सुख काय सांगू ll

राऊळांमाजी जाता l राहे देह अवस्था l 

मन हे उन्मन झाले l नसे बद्धतेचि वार्ता l 

हेतु हा मावळला ल शब्दा आली निशब्दता l 

तटस्थ होऊनी ठेले l  निजरूप पाहता l 

ते सुख काय सांगू  ll

आरती विठ्ठलाची  l पुर्ण उजळली अंतरी l 

प्रकाश थोर झाला  l साठवेना अम्बरी  l 

रवि शशी मावळले  l तया तेजा माझारी  l 

वाजती दिव्य वाद्ये  l  अनह्रीत गजरी  l 

ते सुख काय सांगू  ll

आनंद सागरांत  l प्रेमे बुडी दीधली l 

लाभले सौख्य मोठे l न ये बोलता बोले l 

सद्गुरुचेनी संगे  l ऐसी आरती केली  l 

निवृत्ती आनंदात l तेथे वृत्ती  निमाली  l 

ते सुख काय सांगू  ll